Skip to main content

МагIалбике белгалъяьхай дIахо йодача хана тоаергйола моттигаш

Ерригроссе онлайн-кхадж тассара болх дIабахьарах белгалъяьлар хьатIдоагIача шера Россе бахача наха тоайича бакъахьа хеташ йола моттигаш. «Шахьарашкара хьалаш тоадара» яхача программа чудоагIаш дар из. Цу юкъе шоашта бакъахьа хетар харжар вай бахархоша а.

Россе гIишлон министерство яхачох, МагIалбике кхадж тассараш 3 395 саг ва, цу юкъе дукхагIа йола оаз дIаялар Эльдиева, Космодемьянская, Мира, Заветы Ильича яхача улицашта.

Берригача мехка гIолла кхадж тасса оттаяьраш ялх эзар дизайн-проект яр, лаьрххIача za. gorodsreda.ru, платформах шоашта бакъахьа хетар харжа йиш хилар 9,7 сага.

МагIалбике белгалъяьха моттигаш геттара кулг тоха дезаш я : наькъаш, наькъа такилгаш тоаде, улицашка свет а чуйилла, гонахьара баьццарча гаьнашца хозъяь, аьнна белгалдир «Сердало» газета корреспондентаца къамаьлдеш администраце. Цул совгIа лакхехьа белгалъяьха улицаш тоаеш дIахьош дола балхаш федеральни чотах хургда. Цу тайпара, «Шахьарашкара хьалаш тоадара» яхача программо таро хулийтаргъя вай бюджетера ахча, кхыча даханза даргдоацача гIулакхашта дIадахийта.