Skip to main content

МагIалбикерча бахархошца кхетаче йир, Iаьдала болхлоша

МВД болхлоша, МагIалбикерча администраце, кхетаче дIайихьар СоагIапчарча, Инаркъерча, Дола-Коарча (Пседах) бахархошца. «Кхетаче яра керттера бахьан дувзаденна дар Iаьдалаи нахаи юкъера бувзам чIоагIбарца, бахархой хьашташ, царна хьалхашка латта кхоачамбоацараш довза гIертарца.

ВIашагIкхетаре дийцар, тахан массарашта, эгара чIоагIагIа къувлаш долча гIулакхех. Наркомани яха зулам даржаро, вайна доккха зе деш латт, иштта халача хьале латт, наькъа тIара правилаш лораяра гIулакх. Гулбеннача МВД болхлоша дийцар, телефонашка гIолла лелабеча тийшача белхах. ХIара денна даржаш латтача цу хIамо, дукха нах Iехабеш латт.

Цу хIаман тIехьа, геттара чIоагIа, фе хила безалга хьалхадаьккхар бахархошта. Цхьаккха тайпара йохкар  — эцар леладе мегаргдац интернете гIолла, тешам боацача сагаца. Кхетаче йисте йоалаш къамаьл дир боккхийчара, администрацен кулгалхоша. Цар белгалдир, Iаьдала болхлошца бувзам лелабаро боккха пайда белга. МоллагIа дола хIама довза, лоравала аттагIа хургда из бувзам хилча».