Skip to main content

Машен мишта лорае еза дийцар бахархошта

Машенаш лечкъаеча нахаца, къовсам дIахьош ба МВД болхлой. Машен зуламхошта каракхоачаргйоацаш, де дезараш хьалхадоах цар бахархошта.

«Машен лочкъаяь висар, моллагIча сага вас еш хIама да. Из гIулакх Iомадаь лелача къуша машен йига аьттув лех тикай наIарга, машенаш Iоувттаеча моттигашка, коашка, кхыметтел заправкашка. Тайп-тайпарча наькъашца сага машен лочкъае гIерта нах хIамах къахкаш хилац», — йоах МВД болхлоша.

Цу ийрчача гIулакха духьала къовсам лоаттабеча болхлоша машенаш йолча даьшта хьалхадоах де дезар. Царна юкъе да машена сигнализаци оттаяр, машена оатхалий, маьжений технически хьал миштад хайта каьхат шийга хилийтар. ТIахьожам боацаш йолча моттигашка машенаш Iоувттаяр, уж цига йита паргIатта лелар харцахьа да. Машена чу цIаккха а каьхаташ дита мегаргдац!

Цун наIараш дIакъайла хила еза! Из лотаеш дола дIоагIа къун оатто е цу чу дита йиш яц! Бахархошка дехар ду, шоай машенашка бIарглокхаш, уж хьехамаш кхоачашдеш хила, яхаш!