Skip to main content

МЧС ший болх дIахьош я

ЦIерацара кхерамедараш наха хьалхадаха хIара моттиге ший аргIах болх дIакхахьа арабувл вай мехкара МЧС болхлой. Укх наькъа уж кхаьчар «Асса» гостинице Iеш бола Херсонский областера арабаьнна нах болча.

Назрановски районе из гIулакх лорадеш вола инспектор БIархой Мухьмад хьалха волаш Украинерча хьаьшашца къамаьл дир МЧС къахьегамхоша. Эггара хьалхарча юхьанца оаха теркаме лаьцар уж Iеш бола моттиг.

ЦIи ялара кхерам бола бахьанаш дий техкар болхлоша. Наха хьалхадаьккхар, из тайпара хатар хилча эггара хьалха де дезар фуд, мичахьа гIолла арабовла беза. Къамаьл йисте доалаш массанена дIайийкъар из деррига хьалхадоаккхаш йола памяткаш. Цу гIулакха оарцагIа ухарий телефон а массе хана дага лоаттае аьлар МЧС болхлоша.