Skip to main content

Медиаишколо дIахьоча Ерригача Россе сессе, дакъа лаца бех вай студенташ

КхоалагIа дешара сесси кхайкайир «Без срока давности» яхача Ерригача Россе медиаишколо. Дешареи Iилманеи министерства болхлоша яхачох, цу юкъе дакъа лаца йиш йолаш ба хургбола хьехархой-студенташ, иштта, хьехархой наькъа тIа къахьегараш.

«Дешара сессе дакъа лоацарашта цу гIулакхах болча эксперташа дувцаргда, кхувш йоагIача тIехьен Даьхенцара, ший исторецара безам чIоагIбеш дола наькъаш нийсагIа дIадахьар, иштта, царна хьехаргда социальни оагIонашка тексташ язъяр гIулакх, фото, видеоматериалаш нийса кийчъяр довзийтаргда», — аьлар Дешареи Iилманеи министерстве пресс -секретарь йолча Манкенаькъан Заирас. КхоалагIча дешара сессес ший болх дIаболабергба, укх бетта 19-ча дийнахьа. Истори довзаш бола блогераш хала ловраша, https://onlinemediaschool. Ru укх сайте Iочубаьнна, чIоагIде деза шоай гIулакх.