ГIалгIайчен массайола министерствоша, кхыдолча боахамаша шоатта денна балхаш дергда. Из нийслу, бусалба наьха беза мархий бутт хьатIабоагIаш. Цунца дувзаденна ГIалгIайчен кулгалхочо Келаматанаькъан Махьмуд-Iаьлас тIадиллар массаболча доакъашхошта из социально-юкъарлонна кхетаче дIаяхьош эшарг мел дола хIама Iалашдар, аьлар «Сердало» газетага региона кулгалхочун зарбан болх лелабераша.
Шоатта денна къахьегача, дакъа лоацаргда республикан министерствоша, кхыдолча боахамаша. Автодора тIадиллар моттигера а федеральни а лоархIаш долча машенаш лелача наькъаш тIа лостам бар, эшача наькъа оасаш кердадахар.
ХIара юрта, шахьаре урамаш цIендергда, салоIача моттигашка, аллеяшка, паркашка лостам бергба; цул совгIа, юкъарлонна моттигашка, автотранспорт лоаттаеча моттигашка, хишца дувзаденна цхьоагIо-лостам бе лаьрхIад.
