Skip to main content

Мобилизовани яьча наьха дезалашта гIо дергда

Украинерча тIема юкъе дакъа лоацаш болча наьха дезалашта гIо дара оарцагIабаьннаб лакхера хьакимаш. «ГIайлгIайчен Правительствас цу наха новкъостал дара гIулакх тIахьожам беш дIахьош да. Царна тергда единовременни оалаш дола ахча, гIо дергда коммунальни оагIонцара ахча дIателара. Тахан из новкъостал къаьстта цу наха геттара эшаш да», — белгалдир региона кабмине.

Хала таро йолча дезалашта, цхьаь бахача наха дала оттадаь ахча 5000 сомагара 10 000 сомага кхоачаш да. Цу юкъе болхача наьха спискаш ер бутт чакхбоалаш дIачулургья региона финансови кхуврче. Цул совгIа, мобилизованни наьха цIагIарча цхьан сага цIенах тела ахча 50% кIезигагIа оттадергда, — из хул 18 квадратни метр, коммунальни оагIоно дIалоацаш долча ахчанца а гIо дергда. Из деррига довза йиш я къахьегамах йолча министерства сайте гIолла. «Тахан латтача эггара чIоагIагIа цу мугIарерча нахага хьажа деза вай.

Шоашта эшаш долча хIаман гIо деха а, моллагIча хаттара жоп ха а аьттув бала беза цу наха. Оаха тхоашта могар дергда цар гIулакхашка хьожаш», — аьлар къахьегамах йолча министерства кулгалдеча МутIалнаькъан Хьажбикара. Телеграммерча цар чат-боте гIолла ха йиш я лоаттадеча новкъосталах дар. Цу юкъе да болх-моттиг лахар, берашта ахча далар, берашта салаIа, дарба де моттигаш Iалашъяр, юридически оагIонцара новкъостал, иштта кхыдараш а.

Хьалха оаха хоам баьбар, региона къаман фондерча ахчах Украинерча вай мехкхошта гуманитарни новкъостал даьд аьнна. Массехк тонн буъа кхача, молхаш, барзкъаш, кхыдараш кхаьчад цига.