Skip to main content

Мохк лорабеш лийгараш дагалаьца акци, дIайихьар МагIалбике

Боккха тIема юкъе моастагIчун наькъаш тедаш байнараш дагалаьца акци, дIайихьар МагIалбике. Селий бетта 22-ча дийнахьа, диъ сахьат Iуйран доалаш, гулбелар района бахархой, пхье фашистах мукъайоаккхаш лаьттарашта оттадаьча сийленга юхе. Цига латт тIема ханашка лийна, йоккха танк.

Цу меттиге ший къамаьлдеш, района кулгалхо волча, Кхузнаькъан Макшарипа Къамбула аьлар, из диццадеш дIадахар вайх хIаране декхар да аьнна. Е таханара маьрша вахар вайна даккха герташ лаьттарий цIераш сийдеш, лораеш дага лоаттае еза, кхувш латтача тIехьено. «Фашист вохавеш, халача деношка чакхбаьннача наьха, боаггIаш бола хам баь даргдац вай цIаккха а!

Шоай вахар Iодилад дуккханеша, вайна е паргIато яккха гIерташ. Могаш, маьрша болаш бахалба вай ветеранаш! Иразах, гIозленах дизза хилда цар денош! ТIом яха дош кхы цIаккха а чу ма далда вай вахаре», —  аьлар Кхузнаькъан Къамбулата. Акце дакъа лоацараша хьоахабир, майра духьаллаьтта бIухой, царна гIо деш тыле къахьийгараш. Вайна цIаккха а дицлургдац, цар хьекха денал, майрал!