Skip to main content

Москве арендни моттиг лургья аьнна, Iехайир вай мехкара яхархо

ХIара денна, ма даггара, кхайкарал деш латт бахархошка, интернете гIолла, малаш ба ца ховча нахаца, йохкар-эцар ма леладе яхаш. Дикка техка, гуш воацаш вагIар, тешшаме саг волга хайча мара, маьршвала мегаргвац цу хIаман тIехьа.

Дале а Iаьдала болхлошка, Iехабаь латкъа ухараш, хIара денна дукхагIа хулаш латт. Ший ахчах яьлар республика яхархо, риелтораш да тхо яхаш, малаш ба ца ховча нахах тешарах.

Укх бетта 3-ча дийнахьа МВД заявлени чуяла ера, дикка уйла ца ярах, Iехаенна кхалсаг. Москве арендни моттиг дIалуш да тхо аьнна, объявлени оттаяьй, оапашца шоай таро тоаеш лелараша. 11 эзар сом ахча, республика яхархочо, карта тIа дIатIатессача, хила баха кхера санна, байна дIабаьннаб вожаш.

Цхьаккха арендни моттиг царга хиннаяц, уж ба интернете гIолла нах лебеш ахча доахараш. Iаьдало тохкаш латт из гIулакх. Бахархошка кхайкарал ду, боккъала а ма тувса малаш ба ца ховча, тешам боацача наха ахча дIа тIа! Интернете гIолла базараш лелаеш, лоралуш хила!