Skip to main content

Москве дIахьоча кхетама —ловзаре дакъа лоацаргда, вай мехкарча дешархоша

Тахан, ВДНХ доазон тIа, Москве, дIахьоча кхетама-ловзара финале шоаш дIахьокхаш хургба вай мехкара кагирхой. Уж ба — Заьзгакъонгий-Коарча, № 26 йолча ишкола дешархой Албохчанаькъан Ахьмади, Габасанаькъан Мухьмади, иштта Эбарг-Юрта баха Озанаькъан Лимана, Хаьшанаькъан Хади, Назранерча аграрни колледжа студентка йола Орцханаькъан Хади.

«Беррига финалисташ марафоне дакъа лоацаш хургба. Цар ладувгIаргда Iаьдала болхлоша, цIихезача Iилманхоша, тайп-тайпарча белха кхуврчай кулгалхоша- ешача лекцешка, иштта дакъа лоацаргда марафона доакъашхоша дIахьоргйолча дискусешка. Тахан дIахьоча, берий кхетам хьахьокхача ловзарий региональни этап тушола бетта хилар. Дакъа лоацаш хиннараш бар: 9-11-ча классашкара дешархой, 1-2-ча курсе деша багIа студенташ. Заочни формате дакъа лоацаш хилар кагирхой яхьашка. Конкурсах дараш корадоагIаргда сайте», — аьлар тха газета интервью луш дешареи Iилманеи министерства болхлоша.