Skip to main content

Москве ФСБ зулам юхатехар

Россе ФСБ болхлоша Москве де лаьрхIа хинна доккха зулам юхатехар, дукха нах вIашагIкхийтта моттиг эккхийта лаьрхIа хинна саг хьа а лоацаш. Цунах хоам бу ТАСС Россе ФСБ (ЦОС) юкъарча бувзамий Юкъарлено.

Цу тIа йоах, «Кхерамзлен Федеральни служба болхлоша Москверча даькъа тIа деш хинна террористически зулам юхатехад. Цу тайпара Москве гIолла дIайихьача мероприятеша таро хилийтар кIимарса бетта, нах чIоагIагIа гулбенна моттиг эккхийтара лаьрхIа зулам кийчдаь хинна, Россе вахархо хьалаца а из зулам юхатоха а».

ФСБ болхлошта гучадаьлар цу тайпара моттигаш лелхийтара цо къайлагIа леладеш хинна герз а иштта цо Сирерча террористашца лелабу бувзам а.

Лоткъамхоша, цу тIехь шоаш беш бола болх чакхбаллалца, хьалаьцача сага цIи яккхац. Уголовни гIулакх хьадийллад, иштта, сихача-лоткъама мероприятеш а я дIахьош.