Skip to main content

«Мужече», спортивни центре, греко-римски латарах йола, ГIалгIайчен сборни кийчлуш я

Команда, базе хьаений укх бетта барайттлагIча дийнахьа, хIанз спортсменаш меттабоагIаш ба, таханарча дийнахьа денз, физически кийчо яра болх дIахьоргба цар, — аьлар ГIалгIайчен спортивни латара Федераце президента, республика сборне керттерча тренара, Белхарой Руслана.

Кийчо еш хургба шин кIира. Цу юкъе ва 50 спортсмен. ГIалгIайчен классически латара цIихезараш ба цига: Оздой Бекхан, Йовлой Муххьамад, Чуранаькъан Заьлмаха, ЦIечой Iамархан.

Дешара-тренировкаш командашца, цхьана дIахьош ба «Ади-Ахьмад» спортклуба воккхагIа вола тренер Оздой Iийса, ГIалгIай Республика греко-римски латара сборни команда кулгалхо, Чаненаькъан Мустафа.

Уж дикача хьале ба. Со тешаш ва, укхаза тренировкаш дIахьош бараша, кердача спортивни даькъа тIа, дика толамаш доахаргхиларах, — аьлар Белхарой Руслана.