Skip to main content

МВД болхлоша, администрацера хьакимаш юкъе болаш, кхетаче дIайихьар бахархошца

Илдарха-ГIалий тIа бахархошца кхетаче дIайихьар МВД болхлоша, администрацера хьакимаш юкъе болаш. Истола гонахьа гулбеннараша дийцар, карарча хана, бахархошта хьалхашка латтача керттерча кхоачамбоацарех. Эггара чIоагIагIа наьха сатем боабеча гIулакхех да: ма даггара, яржаш латта наркомани, машенашца лелараша телхаю наькъа бокъонаш, телефонашка гIолла нах Iехабеш лелабу тийшаболх, иштта кхыдараш а.

Уж кхетачеш дIакхахьара хьалха латтараш ба, МВД юкъарлен совета болхлой. Цу совета кулгалхочун гIонча волча Кхоартой ИбрахIима белгалдир, уж тайпара кхетачеш дIакхахьар наха юкъе геттара лоархIаме долга. Иштта вIашагIбеттабаларо чIоагIбергба Iаьдала болхлоштеи нахаи юкъера бувзам. Бахархой аьттув хургба — шоашта къувлаш дола хаттараш тахка, иштта, шоашта нийсагIа хетар дIаала. Гулбеннараша цхьатарра хьаллаьцар, наркоманен духьалара тIом, тахан, кхы а чIоагIбе безалга, кагирхошта цу зуламах хьадоала вонаш дIадовзийта дезалга.

Кагирхой юкъе болаш дIакхахьа еза, каст-кастта, уж тайпара кхетачеш. Гулбеннарашта хьалхашка къамаьлдир пхье мэро, боккхийчара. Иштта, цхьана дIахьоча наькъо бахархой хьал дикагIа тоадергиларах дийцар цар. Iаьдала болхлой массе хана бахархошца бувзам лелабеш хила беза, тIаккха аттагIа хургда, моллагIа долча зуламан, никъ хоадабе.