Skip to main content

«НачIал дола бераш — Россе кхоане» яхача Къамашта юкъерча форума лауреаташ хилар, вай мехкара бераш

«НачIал дола бераш — Россе кхоане» яхача Къамашта юкъерча форума лауреаташ хилар, вай мехкара бераш

ХIара шера Москве дIакхухьаш йолча «НачIал дола бераш — Россе кхоане» яхача, Къамашта юкъерча форума лауреатий цIераш яьхар. Шин номенацех белгалдаьлар вай мехкара бераш. «ИЗО» яхача номинацех котало яьккхар, ГIажара-Юртарча №4 йолча ишкола дешархочо, Ичинаькъан Аминас, «Литературан салон» яхача номинацех белгалваьлар, Инаркъерча №12 йолча ишкола дешархо, Совтанаькъан Адам.

Иштта йоккхача форуме котало яьккха вай бераш цIадаьхкалга хайча, царца вIашагIкхийтта, совгIаташ дала ловш хьайзар, Назранерча администрацен кулгалхо вола, Йовлой Урусхани депутат вола Коноков Тимури. Бераш Назранерча администраце хьадийха, царца дукха къамаьл дувцаш баьгIар, вай республика иштта хозача оагIорахьа цар дIахьокхара раьза бола, хьакимаш. Хозача дешашца даькъала бийца, совгIаташ денна, накъабаьхар начIала ганз шоай дег чу лелаераш.