ХьатIадоагIача шера боккха болх дIахьош тоабе лерхI «Алхасте-Галашке» яха никъ. ХIанзчул 15 шу хьалха тоабаь из дикка кулг тоха безача хьале кхаьчаб.
Болх дIахьоргба наькъаш тоадарах йолча паччахьалкхен программе гIолла. «Цу наькъ тIа гIолла лоаме хьалчу ух туристаш. Цу юрташкарча бахархоша, туристаша, машенашца лелараша из никъ лоткъабу дикка ха я.
Машен наькъай гIулакхах йолча министерство дIабихьача тохкама балхо хьахьекхар, из моттиг дикка къахьегаш тоае езалга», — белгалдир вай Мехкдас Келматнаькъан Махьмуд-Iаьлас. 2024-гIа шу хьатIакхачалехьа йисте баккха лерхI из болх. Мехкдас теркалдир, никъ тоабаро авареш а кIезигагIа хулийтаргья аьнна.
Цигахьа хьалчу латта туристаш хIара шера дукхагIа хул. Цунга хьежжа, наькъай хьал а хила боаггIача боараме хила деза.
