Skip to main content

Наькъаш тоадара болх, ма даггара, дIахьош латт

Дукха ца говш тоабе лерхI вай республике, кхы а ши никъ — «Экажакъонгий-Юрт- Iаьлий-Юрт», «СурхотIе — Яндаре». «ХьатIабоагIача бетта хьалхарча деношца шоай къахьегам дIаболабергба болхлоша. Тоабергба 16 км латта никъ. БIаьсти хьатIакхацарца, кердача куцаца, духьала отта езаш я уж моттигаш бахархошта.

Наькъий гIулакхах йолча министерства тIадиллад из болх лакхача боараме дIачакхбаккха аьнна»,- белгалдир вай Мехкдас. Республика кулгалхочо аьнначох, наькъаш дика тоадаь хиларо, республика хьал меттадоаладара юкъе лоархIаме моттиг дIалоац. Наькъаш тоаду белхаш, хIара шера, дIакхухьаш латт вайцига. МоллагIа хаоттам мара ца хиларах майрра лела йиш йолаш да тахан ДаьттагIера, Вежарий-Юртара наькъаш. Наьха вахара хьал кхыча тайпара дийрзад цига, цунга хьежжа, дIахо йодача хана а, цу мугIарера балхаш лакха лерхIам болаш дIакхухьаргда.

«Укх тIехьарча кхаь шера, паччахьалкхен программашка гIолла, 180 км никъ тоабаьб. 2024-шу кхачалехьа кердача куца тIа боалабе лерхI кхы а 100 км латта никъ», — белгалдир Келматанаькъан Махьмуд-Iаьлас.