Skip to main content

Наькъаш тоадераша шоай болх дIаболабаьб «Экажево-Сурхахи» даькъа тIа

Республикерча наькъаш тоадеча служба болх дIаболабаьб «Экажакъонгий-Юрта-СурхотIе» бода никъ тоабара. Цунах дийцар «Сердало» газетага «Ингушавтодоро». Укх деношка дIаболабаьб цар из болх. «Дикал лакха йола кхерамзлен наькъаш» яхача программах болх беш ба цу боахама говзанчаш.

Никъ тоабара чудоагIаш да асфальта тIера цхьа оаса хьал а баьккха, дехьара-сехьара наькъа оагIош шеръеш, из юха керда Iобиллар.

Наькъа кхерамзле хургйолаш наькъа тIа латта знакаш а керда йоахаргъя, иштта машенаш лелача наькъа тIа дохкаш дола кIайча басара оасаш а дохкаргда, гIашлошта наькъа дехьа-сехьа балар а аттача доккхаргда.

Укх деношка наькъа служба говзанчаш дIаболабеннаб асфальта кIалара оаса хьал а боаккхаш, из юха нийсбеш бола болх бе.

Кастлуш тIера оаса хьал а баьккха керда асфальт юха Iобуллаш бола болх а дIабахьа лерхI.

Нагахьа санна кхы хаоттам хувцабенна моттиг ца хуле, аьтинга бетта 10-ча денга кхоачаш из болх йистебаккха лерхI.