Skip to main content

Наха хьабе болх хилара дола «Единая России» закон берригаш раьза хиларца тIаийцар Госдумо

Парте фракце кулгалхочун хьалхара заместитель волча Исаев Андрея яхачох, из закон эггара чIоагIагIа дийцарех хилар. «Из хьалхадаьккхар «Единая Россия» яр, из дийцар берригача мехка хIара регионашка, цу юкъе дакъа лоацаш хилар профсоюзаш а балха тIа бола кулгалхой а. Тха балха тIехьа юкъедитараш белгалдир 70 регионо», — аьлар цо.

Исаевс белгалдир тIаэцаш дола закон миллионаш россиянашта мел лоархIаме да. Наьха таро хургъя харжа — шоашта болх луш йолча службе хьабахка е цIагIа баггIашехь а онлайн боараме дукха хаттараш кхоачашде. Наьха хьалха санна дукха каьхаташ гулде дезаргдац, цул совгIа болх луча службо наьха хьашташ дукхагIа кхоачашдергда. Цул совгIа заIапхошца дIахьош бола болх а каст-касттагIа дIабахьа таро хургья, заIапхошта лаьрхIа балха моттигаш совъяргья. Цунах дувц (ЕР) сайта тIа.

Хоам бу, болх бе йиш йоацаш болча заIапхой даьшта-ноаношта, страховой пенсе тIа ахча тIакхетаргда,- аьнна. Цу тайпара цхьоалагIча, шоллагIча группа заIапхой болча дезале еш йолча капитальне ремонтах дIабаха мах 50% метта оттабе лерхI Iаьдала чотах. УнахцIенонца дувзаденна, таронаш кIезига йола нах балха хьа ца ийцача юридически наха, 500 эзар сом гIод тохаргда. Единороссаш хьалхадаккхарах, заIапхой таро хургъя хIанз денз шоаш бахача моттигага хьежжа доацаш (ТСР) меттаоттадара технически хьалаш хилийта.