Skip to main content

Наькха рак ца халийтара долча ден хетаяь акци дIахьоргья ГIалгIай мехка

ЦIи ца йоаккхарг оалача лазара юкъе, наькха из халар эггара хьалхарча меттиге латт вайцига. Тахан, из ма даггара даржаш латт. Лораша яхачох, шоай ханнахьа кхалнах чакхбоалаш хилча, из юхатоха аттагIа хургдар.

Лазар хьалхагIа хьагуча мел доал, аттагIа да дарбе де а. Тахан республике цу халача лазара духьала дIахьош диспансеризаци я. Дарбанче болх дIабахьарал совгIа, балха меттигашка а дIаухаргба лораш.

Из атто яьй, наха шоай могашал дикагIа лораергьйолаш. Республика хьал коронавирусни инфекци бахьан чоалхане дале а, наькха из лазар гучадоаккхаш йолча диагностикан акци тов бетта 15-ча денгара 26-га денга кхаччалца хургья.

Акци дIахьоча юкъе я районни кертера йиъ дарбанче, иштта, ТIой-Юртара, Шолжа-шахьарара, Элдарха-гIалий тIара дарбанчеш, онкологически центр, Наьсарера поликлиника.

Цу меттигашкара лораш кхалнах тIабехаш, царга хьежаш ба. Цу халача лазарах чакхбоахаш, де мел дезача хIаман, кийчо я лорашка. Иштта, царга дувцаргда цох лоравала везача бахьанех.