Ше нах тIаэцача хана, хьакхайкадир Наьсарен шахьара администрацен кулгалхочо Йовлой Урусхана, ше кхоачашдаь цхьаькха декхар.
Новкъа машенаш дукха хилар бахьане, Аьлтий-Юртарча номер ийс йолча ишкола юххе, светофор IойогIаш дола балхаш дIадихьар.
Ала деза, аргIанара нах тIаэцаш дола ди дIахьоча хана, Наьсарен шахьара кулгалхочунгара шахьара бахархоша дийхадар лакхе белгалъяьча моттиге светофор оттаяр.
Из декхар тIадиллар шахьара кулгалхочо цу гIулакхах бехктокхаме болчарна, цудухьа из таханарча денна кхоачашдаьд, — йоах шахьара администраце.
