Skip to main content

Назрань-ГIала карарча шера дегIайоалаяра керттера декхараш белгалдир

Назрань-ГIала социально-экономически дегIайоалаяра, керттера декхар белгалдир шахьара мэра Йовлой Урусхана.

Царна юкъе-йоал яккхара боарам лакхбар, инвестице хьал тоадар, ЖКХ хица дувзаденна хаттараш кхоачашдар, иштта экономика дегIайоалаяр.

Карарча шера кхоачашданза даргдоаца декхараш вIашагIдехкар а, уж хьакхайкадаьр а Назранерча мэре, ше совещани дIахьош, мэр Йовлой Урусхан вар.

«Назрань-шахьара бахархошта фу бакъахьа хет а хьожаш, болх вIашагIболларо таро хулийтаргья, уж декхараш кхоачашде а шахьар дегIайоалае а. Укх наькъа наьха лоткъамашка ла а дийгIа, царна хетар чу а лоацаш, болх бе лаьрхIад. Цудухьа, со тешаш ва хьалхашка оттадаь декхараш эггара наха хилча бакъахьа хетараш да аьнна», — аьлар «Сердало» газета корреспондентаца ше къамаьлдеш мэра.