Skip to main content

Керда никъ

Назранеи Минводеи гIолла лела йолаенний «Ласточка» яха сиха цIермашен

Цу гIулакха хетаяьча, лаьрххIача акце дакъалоацаш хилар ГIалгIай Республика Кулгалхо Келматанаькъан Махьмуд-Iаьла, Къилбаседа-Кавказа цIермашена наькъа кулгалхо Задорин Сергей, Къилбаседа сихача хоама дирекце кулгалхо Борисов Валерий.

Кхетачен доакъашхой таро хилар республика кхоллама коллективашта карагIдоалар го а, моттигерча кхачана ярмарке хила а.

Келматанаькъан Махьмуд-Iаьлас яхачох, из деррига а дувзаде йиш йолаш да «Назрань-Москва» яха поезд йолаяларца, цо таро хилийтар вай бахархой вахара хьалаш тоаде. Нийсса хьоча наькъо бахархой дукха таронаш хьаелл, цул совгIа, цунца цхьана туризм а дегIайоагIа. Из иштта атта ба пассажирашта-курорте боагIарашта, студенташта.

Кулгалхочо белгалдир, хьатIайоагIача хана «Ласточка» Шолжера дIаухаш хила тарлу, аьнна. Цу гIулакха, Назрань-Слепцовская даькъа тIа хьалаш тоаде деза, станци кердаяьккха а, вокзал хьалъяь а хила еза.

Белгалде деза, из цIермашен хIара денна лелаш хургья, таханарча хано дIадехаш дола дика хьалаш чу долаш а тайп-тайпара ха яьннача наха эшшача бесса хаттараш юкъедихьа а я.