Skip to main content

ОАЭ вахача ГIаьнажанаькъан Iадрахьмана ший сборнена дотув даьккхар

Iарби мехка, спортивни клубашта юкъера, дзюдох йола чемпионат дIайихьар.

Iарбий Эмираташа цига викал ваьвар, 38 кг. дозал дола, къона гIалгIай дзюдоист ГIаьнажанаькъан Iадрахьман.

Хоам бу, Iадрахьмана 13-шу даьннад. Из ваьв Египте. Ялх шу даьлча денз, КъурIан Iомаде волавеннав из. Дика Iомадеш ва кхыча паччахьалкхен метташ а.

Спорте дакъалаца волавелар Iадрахьман 7 шу даьлча. Эггара хьалха цунна езаялар джиу-джитсу. Вай къонача мехкахочун кIезига дац, спорте даьха толамаш. 2015 шера, Абу-Даби дзюдох хьалхара моттиг яьккхар цо. Цигача, Абу-Даби 2018-ча шера джиу-джитсу Халкъашта юкъерча турнире дотув даьккхар, 2019-ча шера джиу-джитсу латарах геза призер хилар из, «NOSOV CUP» 32 кг. дозал дарашта юкъе дIахьош хиннача Халкъашта юкъерча турнире.