Skip to main content

Парижерча гIалгIаша, мехках лаьца гойтам дIабихьар

ГIалгIай къаман истори, культура ювцаш бола гойтам дIабихьар, Париже бахача гIалгIаша Сержи яхача, Парижа 29 километр гаьна уллача пхье. Из беркате гIулакх вIашагIдоллаш дакъа лаьцараш ба, «Галгай-Глигви» яха кхуврча доакъашхой, «Францера гIалгIай» яхача блога автор.

Францера гIалгIай санна, гаьна йоацаш уллача Бельгера гIалгIай а гулбеннабар цига. Шоаша доттагIал леладу французаш боалабеш баьхкабар цхьаццабараш. Вай къаман истори довзийта лаьрхIа бийхабар уж цига. Массане а геттара хозахеташ бир, цу гойтама кечама болх. Из гIулакх вIашагIделлараша доккха баркал аьлар, цига хьокха шоашта Iилман балхаш, экспонаташ еннача наха.

Царех ба: Малсаганаькъан Роза, Оздой Мовлатхан, Хамхой Абу Убейда, Дзараханаькъан Зейнап, иштта «Истинг» яхача тика болхлошта — Гойганаькъан Марьяма, Шатой Исмаила, Льянанаькъан Ахьмада. Цхьана хайша, безаме чай а молаш, йисте даьлар из хоза гIулакх.