Илдарха-ГIалий тIарча тикашка, маьхий хьал мишта латт хьожаш хилар пхьерча администрацен болхлойи Роспотребнадзореи. Массе хана санна, буача кхачан маьхаш да эггара чIоагIагIа дагадаьхкараш. Хьоахаде деза, санкцеш юкъейоалаяь, из хьал чоалхане дийрзача хана, буача кхачан маьхаш 10% дукхагIа айдергдац аьнна, соцам баь латташ дар.
Тикашка гIолла чакхбоалаш баьча тохкамо хьахьекхар, базархоша ца боагIача боараме маьхаш айдаь ца хилар. Цу гIулакха тIахьожам хургба, дIахо йодача хана а. Наха эггара халагIа йолча хана, шоашкара маьхаш ийдеш, бахархошта хало еш болча базархой гIулакх иштта терко йоацаш дутаргдац!
