Skip to main content

Полигоне кхалаж тIа яьнна цIи дIайоаеш ба Сунжа районе

ГIалгIайчен Iалама ресурсайи экологеи Министерстве «Сердало» газетага баьча хоамах, бIарчча хьаийцача — 100 кв. м. я из.

Белгалдоаккх, йоккха кхалаж региональни оператора ООО «Экосистема» доалахьа я. Карарча хана цIи йоаеш ба специалисташ. ГIалгIай Республике гIолла йолча ГУ МЧС России подразделене кулгалхой новкъосталца цIи йоаяра юкъе йоалаяьй пожарни расчеташ.

Укхаза вена хилар Правительства кулгалхочун гIонча вола Iалама ресурсайи экологеи министр Йовлой Мухьмад, иштта ООО «Экосистема» кулгалхой, прокуратураи, моттигерча органий управленей кулгалхойи.

Хинначун бахьанаш тохкаш да. Хьалхадоаккх, Сунжера полигон эггара йоккхагIа я вай республике. Цун юкъара майда − 5 гектар я. Кхалаж духхьашха йоагаш яц. Укх шера шозлагIа хул из. Полигоне цIи ялар белгалдаьдар карарча шера, муттхьал бетта а.