Хоржамаш дIадоладелча, цу гIулакха бола болх дIакхухьаргболча штабашка къахьега безам бараша дехараш чутелаш йолча «ПолитСтарт» яхача проекта хьалхарча лагIа тIа эттар вай республика.
«Яхьашка дакъа лоацараш дIалаьрхIача, ГIалгIайче хьалхарча моттиге латт, шоллагIча лагIа тIа эттар Ростовски область, кхоалагIа — Московски область, цун тIехьа латт Волгоград, Самара. Яхьашка дакъа лоацаш вола саг 18 шерга кхаьча хила веза, политически парте дIадолалуш долча хоржамашка дIаязвала веза», — йоах тхога бенача хоамо. «Сайта тIара дIаязвалара болх, дIадахача шера хинначул кхозза чIоагIагIа бодаш латт.
Цу юкъевахача сага аьттув ба политически темаех дола лоархIамедараш довза, шийна вахаре накъадаргдола кердадараш хьаэца», — дийцар тхога «ЦаI йолча Россе» ЦИК кулгалхочун гIонча волча Романов Романа.
