Skip to main content

РАНХиГС магистрашца кхетаче дIайихьар Парламенте

Региональни Парламента законашцара болх бовзара тIехьа, республике баьхка хилар РАНХиГС магистраш. Уж ба парламентски гIулакх Iомадеш боахкараш. Кафедра кулгалдеча профессораца Бакушев Валереца, Россе тайп-тайпарча субъекташкара хьаьший бар баьхкараш.

Къаман Собране спикер волча, ТIумхой Мухьмада хьалхле лоацаш дIайихьар кхетаче. Иштта цига дакъа лоацаш хилар: вице-спикераш Пхьаранаькъан Руслан, Хашенаькъан Аза, депутаташ, Шолжа-пхьерча горсовета депутат вола, каратэх дунен чемпион хинна Оздой Ингисхан. Безаме дIадахар вIашагIкхетар.

Парламента спикер волча ТIумхой Мухьмада дийцар, республике депутаташа дIахьоча балхах. Хьоахадир, эггара лоархIамегIа экономически хьал тоадар, къаман проекташ йоаржаяр долга. Парламента хIара комитето дIахьош бола болх бовзийтар магистрашта.

Уж лаьрхIа бар дIахо университета кулгалхочунца, спортах йолча министерства хьалха латтарашца кхетаче дIаяхьа. Бакушев Валере доккха баркал аьлар ТIумхой Мухьмада, депутаташта, иштта хоза, безаме шоаш тIаэцарах. РАНХиГС кулгалхоша дайта совгIаташ делар цо царна.