Skip to main content

Республикера ишколаш тоаю болх, ма даггара, дIабодаш ба

Вай республекера пхьешкара, юрташкара ишколаш тоаеш дола доккхий белхаш да дIахьош. Керда дешара шу дIадолалуш, хозача куцаца духьала оттаргда дешара кхуврчаш шоай хьаьшашта. Боккха болх дIаболабаь тоаеш латтарех я, Центр-Камазера ишкол.

Болх ший ханнахьа йисте баргболаш, цул совгIа, хьадер лакхача боараме дергдолаш тIахьожам беш ба, цу гIулакхах бола болхлой. Дешара шу хьатIакхачалехьа йисте дала дезаш да, деррига белхаш. Йисар дукха ха ца хиларга хьежжа, тIехьабусарбоаццача тайпара къахьег болхлоша.