«Сийдолаш яха, са Даьхе» яха фестиваль дIахьоргья хьатIадоагIача шоатта дийнахьа, Яндарерча культуран цIагIа. Из гIулакх вIашагIделлад культуран гIулакхах йолча министерствоси республикерча кхоллама цIен болхлошеи.
«Фестиваль дIаяхьара бахьан да, вай берий дегашка Даьхенцара безам чIоагIбар, шоай къаман Iадаташ, оамалаш царна йовзийтар. Фестивале кагирхой, берий аьттув ба шоай начIал гойта, Iомадаьр наха довзийта. Вай къаман дукха да лакха говзал йола бераш. Иштта йолча моттиге пайда бе йиш я цар.
Уж Iомабу шоай къамо тхьовра денз хьадахьа беркате Iадаташ лархIа, доаржаде, хоза оамалаш хьокхаш дIабаха», дийцар тхога культуран вахаре дикка къахьегаш хьайоагIача Котанаькъан Марема. Цу фестивале дакъа лаца йиш йолаш ва республикера моллагIа саг. Укх бетта 18-ча дийнахьа, 11 сахьат даьлча дIайолалургья фестиваль.
