Россерча моттигий Iалама хьалаша хьагойт, таханарча денна ГIалгIайче мехка дикача экологически субъекташта юкъе хиларо, аьлар «Сердало» газетага республикан паччахьалкхен зарбан болх лелабераша.
«Из хьал дIахо иштта хургдолаш вай декхарийла да гонахьара Iалама, экологе хьал лораде: хиш а, лаьтта а, кхыйола моттигаш а, бIех ца еш, лораеш, цIена лелае. ТIахьожам боаца хьу цатедар, хьайбай дуне лорадар, гонахьарча Iалама йоакхо яр, тахан хIаравар декхарийла отта везаш гIулакх да», — аьлар ГIалгIай Республикан кулгалхочо Келаматанаькъан Мухьмуд-Iаьлас ший телеграм-канале, республикан экологически хьала мах беш.
Макшарипа Махьмуд-Iаьлас лоархI, хIара ГIалгIайчен вахархо декхарийла ва из лоархIме моттиг лорае дешаца а гIулакхаца а.
Эггара чIоагIагIа Iалама зе деш вар саг ва, аьнна, белгалдир цо. Цудухьа из хьал тоадар а цунах тийша да, из цу хIаман хам беш хилча, деррига а ше меттадоагIаргда. ТIаккха вайна гонахьара Iалам а цIена хилча, вай вахар а дикагIа тоалургда.
Белгалдаккха деза, «Экологи» яха къаман проект кхоачашъе дагахьа геттара тIатеIар дIадахача Iай а иштта дерригача шера а. Республико массе а оагIорахьара кхоачашдир хьалхашка лаьтта декхараш. Толам баьккхар «ЦIена мохк», «Коммунальни чIоагIача нувхашца тайп-тайпара къахьегар», «Тамашийна хьасташ лорадар», «Хьунаш лораяр» яхача даькъошка.
ГIалгIай Республико из болх дIахо а иштта дIахьоргба лакхача боараме.
