Skip to main content

РФ Президента постпредстве болх беш хургва Илезов Микаьил

ГIалгIайчен кабмина вице-премьер ваьв, Илезов Микаьилах. Цо яхачох, республикерча Iаьдала болхлошца, федеральни структурашца цхьана, региона экономически бувзам тоабеш дIахьоргба болх. «Эггара лоархIамегIа дар да, региона моттиг массе оагIорахьа чIоагIъяр, беркатегIа хургдар доаржадар.

Ишттача наькъаца дIаводаш, региона кулгалхочо оагIув хьаллацарца аьттув баргба, пайдане йола проекташ, программаш йоаржае, царга гIолла социально-экономически хьал тоаде. Цхьа барт болаш дIахьоча белхо, вай республика дикка беркат дахьаргда», — белгалдир Илезов Микаьила.

Из тайп-тайпарча моттигашка къахьегаш хьавена саг ва. Экономически хьалаца дувзаденна халадараш къоастадеш, дикагIа хургдар хоржаш хьавенав. Юридически Iилман кандидат вола Илезов Микаьила дукха дийша ва. ЦIеча дипломашца йистеяьхар цо «Экономика лакхера ишкол», «Юртбоахама гIулакхех йола Российски академи». Регионе санна, федеральни оагIонца а белгалволаш хьавенав из.

Ший болх дIаболабаьб цо дийша воаллашехьа, 2006-ча шера. ОФМС консультант волаш хинначул тIехьагIа, бехача наьха гIулакхах болча кхуврча кулгалдеш хиннав. «Единая Россия» яхача, региональни оагIон секретарь волаш, дукха партийни проекташ йоаржаяра тIехьа къахьийгад.