Skip to main content

РФ унахцIенон министерстве могабаьб вай республике гIолла вакцинаци еш дIахьош бола болх

ГIалгIай Республика унахцIенон министерства гIишлон чу видеоселекторни оалача хьисапе дIайихьар РФ унахцIенон министра Мурашко Михаила кулгал а деш, кердача коронавируса инфекцеца къовсам лоаттабара йолча оперштаба совещани.

Дувца оттадаь дош дар COVID-19 лазара дарба дара лорий учрежденешка болх мишта вIашагIбеллаб. Цига белгалдаьккхар республике гIолла наха вакцинаци яра лаьрхIа 22 моттиг кийчъяь хилар, цига наха кхаь тайпарча вакцинашца прививкаш еш хилар. Уж я: Спутник V, ЭпиВакКорона, КовиВак.

Хьалхара вакцинаци яьй 47 580 саго, из юкъера республика бахархой дIалаьрхIача 20% я.

Цу урхален пресс-службо яхачох, ГIалгIай Республике гIолла прививкаш еча компане болх дика латт.