Skip to main content

Россе Правительство хоам бу, регионаш вIашагIтоха лаьрхIа хIама ца хиларах

Конфиренци дIахьош Хусналлин Марата дийцар духхьала шахьараш дегIайоалаярах

Правительства кулгалхочун заместитель волча Хусналлин Марата ше правительства заседани дIахьош регионаш вIашагIтохар хаттар хьоахаданзар. "Конференци дIахьош Хуснуллин Марата духхьала шахьараш дегIайоалаяра дош дийцар. Россе регионаш вIашагIтохар дош дувца оттадаь а дац",- аьлар вице —премьера викало, аьнна хоам бу РКБ.

Хоам бу, хьалхагIа 27- ча апреле, экономика лакхарча школо вIашагIъеллача "ЦIа, наькъаш, вахара хьал: дегIадоаладар сценарий, тIахьехамаш, ха йиллар, кхерам хилар яхача темах долча гергача истола къамаьле хьоахадир Россе административно-территориальни принцип нийса яц аьнна.

Правительства кулгалхочун заместитела белгалдир, мехка 85 регион эшаш яц,- аьнна.

"Са Еврейски автономни областаца болх бе безам бац, хIана аьлча, цунга дIадодар къахьегамга диллача дукхагIа да, -аьлар вице-премьера. Цо яхачох цу тайпара регионаш лоалахарча регионех дIатехача нийсагIа хургдар, цо таро хулийтаргъяр дIадодар кIезигагIа хилийта а, наьха вахара хьалаш лакхде а.

Вице —премьера белгалдир ший дешаш кIала кIийле йоацаш хилар а из духхьала цунна хетар мара ца хилар а.

Цул тIехьагIа къамаьлдаьча Еврейски автономни областа кулгалхочо Гольдштейн Ростислава белгалдир, нагахьа санна регионаш вIагIтохаш хилча цигача бахача наха цунах фу хет а ха деза, -аьнна.

Цул совгIа цо аьлар, ишттала лакхача дарже волча Хуснуллина из къамаьлдарах тамаш ю аз, -аьнна. Гольдштейна яхачох, цу тайпара хаттараш кхоачашдераш мехка президент е премьер-министр хила веза.