Skip to main content

Россе Президента мобильни приемни ГIалгIайчера бахархой тIаийбир

Российски Федераце Президента мобильни приемни гIолла, тахан, вай мехкахой тIаийбеш хилар, Къилбасед-Кавказа федеральни округе Президента полномочни представитела гIонча вола, Куренной Александр. Нах тIаийбар дIадахар видеоконференцсвязе гIолла. Из хоам бу, Мехкдаь пресс-служба. Цу юкъе дакъа лоацаш хилар, РФ Президента СКФО приемни кулгалду Родькин Олег, ГIалгIайчен Правительства кулгалхо вола Фаттахов Тимур, иштта кхыбола хьакимаш а. Наха тIаденача хаттарех, керттера дараш доашхаш, болх дIабихьар хьакимаша. Царна юкъе дар: бойлахьа дисача берашта гIо дар, харцара кхерам болча цIеношкара нах кердача фусамашка сихагIа дIачубахийтар, таро йоацарашта чуIе фусамаш ялар, урамашка лампаш йохкар, Йоккхача Ачалкхеи, Iаьлий-Юртеи тротуараш дахкар.

Наха дIатIамелдихьача хаттарашка ладийгIа, цар гIулакх цхьан кога тIа доаккхаргдола ха оттайир хьакимаша. Иштта, хIара хаттара тIехьа тIахьожам беш хургва, вай Мехкда Келматанаькъан Махьмуд-Iаьла.