Skip to main content

Россе Прокуратура 300 шу дузаш хетаяьча мероприяте дакъалоацаш хилар ГIалгIайчен Кулгалхо

Назранерча культура ЦIагIа, наджгамхой бетта дийттлагIча дийнахьа, Россе Прокуратура 300 шу дузаш хетаяьча мероприяте дакъалоацаш хилар ГIалгIайчен Кулгалхо, Келматанаькъан Махьмуд-Iаьла.

Цо баркал аьлар прокуратура ветеранашта, дукхача шерашка, цар шоай болх иштта дика дIабахьарах, массаза а ГIалгIай Республика правительстваца цар айхха бувзам лелабеш, республика дегIайоалаяра къахьегаш, шоай болх тIехдика кхоачашбарах.

Махьмуд-Iаьлас белгалдир, мехка прокуратура чIоагIа эшаш хинналга а, вахарера коррупци юхататтара цо доккха дакъа дIалаьца хилар а. Карарча хана, ГIалгIайчен бахархой сатем лорабара, царна бехктокхаме декхар хьалхашка латташ хилар а.

«Вайна дагадоагIа, 90 шерашка, моттигерча тIахьожама боахамо ший болх чоалханерча хьалашка баьлга.

Цу хана денз, таханарча денга кхаччалца, прокуратура болхлоша хьагойтад шоай профессиональни декхар дика кхоачаш а деш, Даьхенах доглазаш хилар.

ХIаравар ший балха тIехьа дика толамаш дахарга кхоачалва, вай ГIалгIайчен а Россе а», — аьлар ше къамаьл деш региона кулгалхочо.

ГIалгIай Республика Прокуратура, 29 шу хьалха, тIахьожама органа система хинна дIаэттай.

Хьалхарча шера цига къахьегаш вар 33 саг, карарча хана, цу боахаме шоай профессиональни декхар кхоачаш а деш къахьегаш ва 143 саг.

Цу чу йоагIа пхье а районни а ворхI прокуратура.

ДIахо, цу российски прокуратура юбилей йолаш хетаяьча мероприяте, прокуратура болхлошта ведомственни совгIаташ делар.