Skip to main content

Россельхозкхуврче дIаде дезача кIина дош, дувцаш хилар

МагIалбикерча районе чуйоагIача Берд-Юртарча «Ама» яхача боахаме, Россельхозкхуврчо семинар-кхетаче дIайихьар. Дувца оттадаь керттерадараш — дIаде дезача кIин гIулакх, цунцара опыташ.

Кхетаче дакъа лоацаш хиннараш — ГIалгIайчен Минсельхоз, республикера госсорткомисси, НИИ, республикера агронамаши кулгалхойи. Кхетаче дIайолайир, РСЦ ГIалгIай филиала кулгалдеш волча, Белхарой Керима. Цо керте лаьцача гIулакхех дар: гина импортзамещени, дIадийна ялат талхаргдоацаш де дезараш.

РСЦ керттера агроном волча Сампенаькъан Iусмана дийцар, гурахьа дIадийнача, ялх тайпара долча кIин гIулакхах лаьца. РСЦ болхлоша яхачох, кIа дIадийнача оахамашка, таханарча дийнахьа, ходенна лазар дац, Дала аьннадале, кIина деррига сорташ лакхача боараме ураоттаргда.