Skip to main content

РСО-Алания вахархочунна наркотикаш лелаярахи, Назране 12 къаракъа шуша лочкъаярахи кхел ергья

РСО-Алания вахархочунна кхел ергья наркотикаш лелаярахи, Назране 12 къаракъа шуша лочкъаярахи аьнна хоам бир, «Сердало» газетага, ГIалгIай Республика тIахьожама боахаме.

«Назрань-шахьара прокуратура бехке хилар чIоагIдир, РСО-Алания Новый оалача поселке вахача сага духьала хьадийлла уголовни гIулакх, цо наркотикаш лелаеш хиларах», — аьлар прокуратуре.

Лоткъамхоша яхачох, цу саго, карарча шера, Назранерча «Магнит» тика чура, «Медофф Водка» яха, корта бохабу малар лочкъадир шийтта шуша, из да 2700 сома маьха тика хинна зе.

Иштта, цу саго шийна лаьрхIа, бокъонах доацаш лелаеш йола наркотикаш ийцар (марихуана) 72 гр совгIа йолаш. Наркотикаш цунгара гуча а яьнна хьаяьхар, 2022 шера кIимарса бетта, оперативно-розыска болх дIахьоча хана.

Хоам бу, прокурора ГIалгIай Республика Магасерча районни суде дIадахьийтад уголовни гIулакх.