Skip to main content

«Сад-Гигант Ингушетия» оалача боахамера гуржий боалаш шозза дукхагIа хургба

«Сад-Гигант Ингушетия» ООО Шолжа района ГIажарий-юрта 2015 ча шера денз я. Цу боахаме юхханцахь комараш кхееш бар, бакъда ди тIехьагIа из болх дукхагIа хулаш боагIа.

ТIехьарча хана вайна массанена дукхабезаш бола гуржий боалаш кхебара болх совбоалаш боагIа. 900 гектар лаьттах, пхиъ ах гектар гуржий боалаш дIалоац. Карарча шера, юртбоахама, кхачана министерства пресс-службо яхачох «Сад-Гигант Ингушетия» боахамо 50 тонн гуржий боалаш гулбергба, из дIадахача шера хиннача хьувкъамал шозза дукхагIа ба.

ХIанз укх сахьте гулбаьраш дикагIа-вогIа бараш хоржача цехе дIабохьийт, сортага хьажжа хьа а къоастабий дикка кхачийтара йолча холодильника чу Iочубохк.