Skip to main content

Сейнарой Бексултана хетабаь гойтам дIахьоргба музее

Малсаганаькъан Тухана цIерах йолча музее дIахьоргба, Сейнарой Бексултана хетабаь суртдокументальни гойтам. Из хиннав Къилбаседа Кавказа цIихеза политически болхло, информатизацех йолча дерригача къамашта юкъерча академе академик, юридически Iилман, гIалгIай, эггара хьалхара доктор.

ГIалгIай къаман бокъонаш меттаоттаяра тIехьа, дукха къахьийгарех ва из саг. «1990-ча шерашка, гIалгIашта хьалха латташ, дукха болх бир Сейнарой Бексултана.

Къаман шоллагIча съезде из хержар ГIалгIай автономи меттаоттаярах йолча оргкомитета доакъашхо, тIехьагIа цу оргкомитета кулгалдеш хилар из. ГIалгIай къаман совета хьалха латташ къахьийгар цо, мехках баьхача наьха бокъонаш меттаоттаярах дола закон кхоллаш хилар из, къамах доглазаш ваьха саг. Цо хьалха этта къахьегаш 1992-ча шера, ахкан хьалхарча бетта 4-ча дийнахьа гIалгIай республика хьакхоллара чIоагIо йир.

Ший мехкахой бахьан долаш дукха болх баь, низ Iобила саг ва из», — аьлар музея кулгалдеча Саганаькъан Мухьмада. Из къаман визза хинна воI вовзийташ бола гойтам хьабелларгба, укх бетта 28-ча дийнахьа.