Skip to main content

Шахьара куц хувцалуш латт

Укх тIехьарча ялх шера Илдарха-ГIалий тIара 34 моттиг, кердача куца тIа йоалаеш, тоаяьй. Шахьара моттигаш тоаеш йолча къаман проектага гIолла дIахьош ба из беркате болх.

2017-ча шера денз тоаяьча моттигех геттара лоархIаме я ворхI: Сийлен парк, Осканаькъан Сулумбика цIи лелаеш йола парк, ветераний сквер, Толстоя, Градусова цIерагIа урамаш, вIаштIара даь ялх цIа чулоацаш дола доккха ков, футболах ловзара стадион.

Къаман проектага гIолла укх тIехьарча шерашка дукха хувцамаш де аьттув баьннаб шахьаре. Наха салоIа моттигаш Iалашъяьй, асфальт буллаш, наькъаш тоадаьд, спортивни моттигаш кийчъеш, йоккхий лампаш йогIаш, машенаш Iоувттае моттигаш къоастаеш, къахьийгад. Бахархоша яхачох, шахьарера вахар хIанз дуккха аттагIа, хозагIа да, дикка къахьегарга хьежжа.