Skip to main content

Ший долахьара хIама дIаяздайтар лоархIаме да

Шоай фусамаш, доалахьара лаьтташ дIяздайта дезилга бахархошта хьалхадаккха арабаьнна хилар цу гIулакха бехктокхаме бола болхлой.

Шолжа-Шахьарерча администрацен болхлоша Восточни оалача поселке, цIеннах чуувтташ, из гIулакх наха довзийташ, болх дIабихьар. Из хоам тхога бир шахьарерча мэре. 1, 2, 3 мугI лоацаш бахача нахага дийцар, цIенош, лаьтташ дIаяздайташ хилча, сенгара дIаволавала веза.

Шахьара кулгал деча Iумаранаькъан Аслана белгалдир, поселке мел бахача бахархошта из гIулакх чакхдаккха эшаш дола юридически новкъостал дергда, аьнна.

Шоашта эшаш дола гIо шахьарерча администрацен цу гIулакхах болча болхлошкара деха йиш йолга хьалхадаьккхар нахá.