Skip to main content

Шолжа-пхьера ши ишкол тоаеш латт

Шолжа-пхьерча №7 йолча ишколаи №5 йолча ишколаи дешархоша, тIеххьара гургал тохара цIай, кхыча ишколашка дIахьоргда. Уж шаккхе дешара кхуврч, дикка тоае езача гIишлошта юкъебахаб.

Цунга хьежжа, дешархой дIа-хьа бийкъаб №1, 2, 3 йолча ишколашка. Дешара шу царна чакхдаргда кхыйолча ишколашка. Пхьерча мэре болхой тIахьожам болаш, дIабодаш ба болх. Таханарча дийнахьа, ишкола кораши наIараши хувцаш латт, кIалара штукатурка Iойоаккхаш, пенаш шаьрдеш, ийнаш тоадеш болх дIахьу.

Контракте оттадаьчох, ахкан тIеххьарча бетта, 25-гIа ди кхачалехьа, йисте дала деза деррига белхаш. Лард тоаеш, подвал йола моттиг меттайоалаеш къахьегадезарех я ишколаш. Дешархой хьачубоагIача хана, керда отоплени йолаш, вентиляци хийца, хий долаш, канализаци тоаяь — кердача куцаца, моаршал хетташ хургья ишколаш.