Skip to main content

Кийчо мишта яьй

Шолжа шахьаре чоалхане хьал эттача моттигера службаш мел кийча я хьожаш болх дIабихьар

Цу юкъе дакъа лоацаш хилар чоалхане хьал юстара даккхара йола службаш

Шолжа шахьаре аргIанара командно-штаба болх дIабахьарга хьежжа гуш хилар цIаьхха чоалхане хьал этта моттиг хилча, цу гIулакха паччахьалкхен а, иштта муниципальни системай а низ мел чIоагIа ба, кийчо мишта яьй. Из мероприяти дIайихьар яр Шолжа района администраци.

Района администраце «Сердало» газетага хоам баьчча бесса, цу юкъе дакъа лоацаш хилар чоалхане хьал юстара даккхара йола службаш, цу моча моттиге хьалхарча аргIах кхача безараш.

Района администраце ГО ЧС отдела кулгалхо вола ЦIечой Хьасан вар чоалхане хьал юстара даккхара, иштта цIера кхерамзлен декхараш кхоачашдара лаьрхIа йола оборудовани а техника а мел кийча я хьожаш.

Цул совгIа, цу балха говзал мел лакха я хьожаш бола болх а дIабихьар, цун боаггIаш бола мах а оттабир.