Skip to main content

Шолже, хьалхара хоржамий ди дика дIадода

с.п. Джейрах УИК № 102

Республика Шолжа районеи, Шолжа пхеи РФ Паччахьалкхен Думеи, ГIалгIай республика Халкъа Гулламеи кхадж тассара болх дIаболабаьб.

Iуйранна, 8 сахьат даьлча денз, шахьара а, района хоржамий даькъа тIа а болх дIаболабаьб.

Цу юкъе я № 903 йола УИК, Шолжерча № 5 йолча ишкола юхе я из.

ХIанззалца, моттигерча ДК хулар из. Бакъда, цига ремонт еш латташ хиларах, хIанз пхелагIча ишкола юххе я из, цунна массехк метр мара гаьна а йоацаш.

Хоржамаш, масса оагIорахьа санитарни дIадехараш кхоачаш а деш дIахьош да, хIана аьлча, тахан эпидеми халача хьале латташ хиларах. УИК доакъашхошта новкъостал ду волонтераша. Цу даькъа тIа ха деш я лорий бригада а.

Эггара хьалхарчарех, ший, граждански декхар кхоачашдир Харсенаькъан Iалихана. 11 сахьат доалаш, хоржама даькъа тIа, кхадж тасса ваьннавар 200 саг. УИК кулгалхочо Матенаькъан Айшата яхачох, укх шера вIашагIкхийтта дукха нах ба кхадж тасса ухаш. Уж ба хоржамашта юхерча урхаленашкара болхлой.

с.п. Нестеровское УИК 806