Ерригача Россе регионашка санна, вай республике а дIаболабаьб «Соцае цIи» яха болх. «Из боккха болх болабаьб, наха кхаьч-кхаьчача цIераш етта гIулакх дутаргдолаш. БIаьстан ха хьаэттача, йокъаенна баьцаш летае болалу бахархой.
Доккха зе ду Iалама, лаьтта лелача са доаллача хIамашта цу гIулакхо», — аьлар Iалам лорадераша. ЦIераш дIа-хьа яьрже, цIи йоаераш оарцагIбахка безаш зулам хул цох.
Iалама гIулакхах йолча министерствос кхайкарал ду, бокъо йоацача моттигашка, хьунашка, аренашка цIераш еттараш, Iаьдало оттаяьча бокъонах бехктокхаме озаргба, яхаш. Баьцашта юкъе тайп-тайпарча дийнача хIамай кIоригаш яда укх хана. Ма хоададе цар вахар! Боккъал а уйла еш хила!
