Skip to main content

Спортивни клубо шера кхоачашдаьчох дийцар

«Чингиз» яхача спортивни кхуврча кулгалхойи, иштта кхыбола болхлойи гулбенна хилар, Артис Плазе, дIадахача шера шоашта карагIдаьнначох дувца. Тренераши спортсменаши белгалбоахаш, 2021 шера, цар спорта кхыхьача коталонех дийцар кхетаче.

ВIашагIкхетар дIадоладир, Сийдолча КъурIана, аяташ дешаш. Цу йоккхача кхетаче дакъа лоацаш бар: Нохчашкахьара, Селий мехкара, Черсашкахьара, Москвера хьаьший — цIихеза спортсменаш. Беркате, дега йIовхал тоссаш меттиг хилар цох.

Вай къаман Iадатех кийчъдаь истолаш, совгIаташ, майдилгаш, иштта, дог гIаддуга хоза дешаш вIаши оалаш дIадахар вIашагIкхетар. Хьабийла диъ шу мара доацача цу спортивни кхуврче 1240 спортсмен ва.

Белгалдаккха деза, из ха мара яланза йолча, цу къонача меттига, аьттув баьннараш дукхеи доккхеи долга.