Skip to main content

Толамий наькъ тIа

Спортивни яхьашка хьажача гуш да вай кагий нах лакхача боараме латталга

Укх тIехьарча хана каст-кастта хоз вайна спортивни наькъ тIа вай республика хьал лакхлуш доагIаш хилар. Цунна тешалдеш йола моттигаш дукха а я. 

МоллагIйола яхьаш дIахьош хилча вай кегийнах кот ца боалаш юхаберзац. Из да ди тIехьагIа спортсмений говзал лакхлулга а, тренераш шоай моттиге болга а.

Цу тайпара самбо оалача латарах йола яхьаш дIайихьар укх деношка Гӏаьбарта-Балкхарой мехка. Из дар  Къулбаседа Кавказа федеральни округа (СКФО) республикай дикагIа йолча спортивни школай балха говзал гойташ дола латар. Цига дакъалоацаш хилар веррига а 300 саг, цу юкъе вай мехкара вахавар 50 (шовзткъеи итт) спортсмен. Дозал тайп-тайпара долча категорех латаш бар «Панкратион» школа викалаш а. Масала, Дзейтов Апти вар 85 кийла дозал долаш. Цо шийца латаш хинначунгара котало яьккхар. Атта дац моллагIйола хьалхара моттиг яккха, Апте яхачох, лаьрххIа кийчо а яь, из моттиг яккхара нигат долаш вахавар из. Мел бола низ тIабахийта духьала эттачул тIехьагIа цун аьттув хилар ше лаьрхIачунга кхача.