ГӀалгӀайчен викалаша, Ставрополе дӀадихьача Кавказа ловзарашка, шоллагӀа моттиг яьккхар, яхаш, дийцар «Сердало» газетага моттигерча физически культуран, спорта министерстве.
«Кавказа халкъий культуран, спорта фестивале баьхкабар Къилбаседа Кавказа, Къулбехьен федеральни даькъ тӀарча моттигий викалаш.
Яхьаша оттадаьча декхарех, спортсменаш Ӏадсаькх тоха дезаш а, гиреш ийе, баскетболах, футболах ловза безаш а бар. Цул совгӀа, цига дар спорта тайпаш: армрестлинг, тӀехкарашца латар, низ гӀортабар, дзюдо, яйгача атлетиках бола къовсам, иштта кхы дӀахо а.
Вай республикерча команданна чубоагӀаш бар Газиканаькъан Аслан, Акхасаганаькъан Ювназ, Шаденаькъан Мухьмад, Кокурхой Рустам, Йовлой Мухьмад-Башир, Доврбиканаькъан Исроапил, Хамхой ИсмаӀал. Цар шоллагӀа моттиг яьккхар. Цу низ болчарех пхи саг ГӀалгӀайчен кулгалхочун Келаматанаькъан Махьмуд-Ӏаьлий лорбошца ва», — аьлар хоамо.
