Промышленности таьрахьий гIулакхи доаржадарах йолча министерствон болхлоша кхетаче дIайихьар, Къилбаседа доагора-тока колледжа цIи яьлча оарцагIъухарий студенташца. Кхетаче дувца оттадаь керттера дош — вай мехкарча хIамаш хьатегача фабрике студенташта балха моттигаш Iалашъяр.
«ООО «4БРА» яхача моттига кулгалхочун гIонча волча Чумаканаькъан Йоакъапа дийцар, болх бе моттигаш лехаш лелача студенташта из геттара дика аьттув ба, аьнна. Мах тела ца безаш, дIай-хьай кхувларгба, мах боацаш мук а лоаттадергда», — йоах тхогарча хоамо.
Дорджиев Бадмас аьлар, къонабараш тахан балха тIаберзаргбола наькъаш теркалде деза вай, аьнна. Дика хургда, СКТЭКа дешара филиал хIамаш тегача фабрике хьайийллача.
«Урокаш массе моттигашка санна дIакхухьаргья цига, йистебаьлча, царна лаьрхIа йолча машенаца цIакхувларгба. Даьй, ноаной а шоай дезал дагабахка безаргбац, дешара йистебаьлча, цхьаннахьа гобоахаш лелий-хьогI, аьнна», — дийцар кхетаче. ХьатIадоагIача кIира, колледжерча 20 сага-студента балхаца дувзадаь дешар дIадоладергда фабрике.
